Sa tuwing ngiti mo'y aking nasisilayan
Di maawat ang puso sa kagalakan
Di ko alam kung bakit ngiti mo'y ganyan
Angat sa lahat pag akin nang namasdan
Kahit sa malayo presensya mo'y dala
Para bang may lubid na nakakonekta
Sa paglisa'y aking na pag-isipan
Na sa 'yong ngiti ay may kalungkutan
Ng tayong dalawa'y may pinag-uusapan
Sarili'y hinayaan na ika'y masdan
Iyong ngiti ay aking naobserbahan
Sa likod nito ay merong kalungkutan
Ngiti'y wag mong alisin sa 'yong katauhan
Yan ang dahilan kung bakit hinangaan
Kalungkuta'y alisin sa iyong isipan
Dahil ayoko na ika'y nasasaktan
No comments:
Post a Comment